【快速充電攻略】2023 全港電動車免費+付費快速充電懶人包懶人包

對於電動車主嚟講，最怕就係無電嘅時候揾唔到充電位！雖然 Tesla、Mercedes-Benz都有專屬嘅充電站，不過成日都要排隊等充電，充電嘅時候又怕行開左，比人話霸住個位。今次Kilowatt小隊就為大家帶來9個港九新界嘅精選快速充電站！

合和中心隱藏左足足13個Tesla超級充電站！充電站位於香港島灣仔皇后大道東183號(堅尼地道入口)合和中心停車場11樓及10樓。10樓共有10個Tesla V2超級充電站，充電功率最高達130kW；另外有3個Tesla V3超級充電站，充電功率最高達250kW，支援CCS2及Type 2連接器。非繁忙時段 00:01 – 04:00: HK$2；繁忙時段 08:01 – 22:00: HK$4.05。

金鐘太古廣場一期易充站E-Charge充電站

金鐘太古廣場一期有免費嘅DC快充！易充站E-Charge有免費亦有付費嘅充電站，不過免費嘅快充就非常罕見啦！充電站位於金鐘金鐘道88號，共有3個DC快速充電站，支援CCS2連接器。充電站數量的確唔多，有Kilowatt用户反映部分車主充滿電未有離開，所以提提大家充完電就要盡快讓俾其他有需要嘅車主啦～

漁灣邨港燈HKE充電站

港島區又點可以唔提港燈HKE充電站！港燈雖然係全港只有約10多個公眾充電設施，但講到免費DC快充就一定佔一席位啦。充電站位於香港柴灣怡豐街漁灣邨停車場1樓，共有2個DC快速充電站，支援CCS 2、Type 2、CHAdeMO，充電功率最高達50kW。有Kilowatt用户表示充電站經常有位，唔洗排隊！

新界區快速充電站

形點Yoho1期(停車場C&D區) 新鴻基 The Point充電站

好多車主都仲未知新鴻基商場旗下有The Point充電站！充電站位於新界元朗元龍街9號，共有4個DC快速充電站，支援CCS2連接器，充電功率最高達60kW。充電收費為$40/15分鐘。The Point充電站最大特色就係可以係新鴻基商場消費賺取積分，然後換取免費泊車時數及電車充電，滿1500積分即可換取！

如心廣場一期 EV Mega 快速充電站

荃灣最多DC快充站？快充站位於新界荃灣楊屋道8號如心廣場上層地庫停車場，共有13個EV Mega DC快速充電站！支援CCS Combo 2、CHAdeMO、Type 2連接器，充電功率最高達50kW。充電收費方面，09:01-22:00為HK$20/15分鐘；22:01-09:00為 HK$15/15分鐘。不少Kilowatt用户都反映價錢合理、多位、唔洗排隊，實屬荃灣一股充電青泉！

愉翠商場 Shell Recharge 快速充電站

Shell Recharge少有6個DC快充站！充電站位於沙田小瀝源牛皮沙街2號愉翠商場停車場2樓，支援CCS 2連接器，充電功率達60-120kW。快充50kWh收費為$195/60分鐘。用户需要先下載及登記Shell Recharge手機應用程式進行充電程序。有Kilowatt用户表示充電站位置方便，車主有禮貌、充完電就即時離開～