2023 聖誕燈飾之旅: 探索尖沙咀Shell Recharge！

一年一度睇聖誕燈飾嘅日子又嚟啦！一齊嚟迎接疫後首個儀式感滿滿嘅聖誕！今年2023年就為大家帶來三個欣賞聖誕燈飾嘅好去處！當中包括海港城「Merry Spacemas」聖誕太空熊遇記、K11 Musea 聖誕宮殿「Christmas Palace」同埋尖東海濱一帶欣賞聖誕燈飾嘅絕佳路線！

海港城「Merry Spacemas」+ 中港城「聖誕車尾箱環保市集」！

海港城「Merry Spacemas」聖誕主題燈飾有驚喜！今年海運大廈露天廣場上有一個「熊仔發射站基地」，得意熊仔配以太空科幻卡通風格，未來感滿滿。「基地」內有多個打卡熱點，當中最為震撼就係基地中央10米高嘅聖誕樹火箭啦，上面仲有3米高嘅型格熊仔太空人添！此外，基地入面嘅銀河隧道、螢光太空艙、宇宙行星、 彩虹走廊等打卡熱點揉合咗科幻、燈光、數碼元素，感覺新奇、別具一格，同過往傳統聖誕燈飾簡直無得比！海港城仲免費提供左一系列「Merry Spacemas」搞鬼熊仔嘅WhatsApp Sticker，鐘意嘅朋友仲唔快啲下載！

日期：2023年11月17日至2024年1月1日
地址：海港城海運大廈露天廣場

中港城有「聖誕車尾箱環保市集」！車尾箱市集係英國極為流行，每個車主都可以駕駛自己的愛車擺攤。而今次中港城嘅車尾箱市集除左有文創、手工、美食、遊戲攤檔，係指定日子仲有大型房外冬日飄雪匯演同音樂會！大會亦希望透過市集鼓勵車主為家中物品升級再造出售，鼓勵將家中舊物、舊玩具、古董、家品售賣，減少浪費之餘同時為關愛社群籌款！市集現正招募車主參加，網上報名、費用全免，咦！咁咪即係免費擺攤同泊車？一齊參加呢個既環保又有意義嘅活動啦！

日期：2023年12月8-10、16、17、23-26、30、31日
地址：中港城海豚池平台花園

「Merry Spacemas」泊車充電之選——中港城Shell Recharge充電站

雖然海港城都有得泊車充電，不過泊車位同充電樁都可能經常唔夠，所以今次就推薦中港城嘅Shell Recharge充電站啦！入面總共有4個罕見嘅DC快充，包括全港最快嘅300kW Shell Recharge 快充位，同埋3個60-120kW快充。充電方案上，如果只係想同「Merry Spacemas」快閃打卡，小編推薦HK$124.8 DC 40kWh 快充 60分鐘，皆因依加至12月31日，全線Shell Recharge充電有優惠，揀選快充40kWh或50kWh充電服務，就可以享有8折，平均都係$3.12 一度電，非常優惠！

地址：九龍尖沙咀廣東道33號中港城地庫停車場B2

K11 Musea 聖誕宮殿「Christmas Palace」！

受英國倫敦「水晶宮」啟發，K11 MUSEA 今個聖誕節化身聖誕宮殿「Christmas Palace」！場內有超過150個K11精心策劃嘅世界各地奇幻驚喜體驗，主題活動包括「聖誕節村」Pop-up市集，入面有多個國際及本地飲食、手工藝及生活品牌；YouTube 全球首個Pop-up Café，有國際及本地著名音樂人聯手策劃嘅10場YouTube Music Nights！仲有泰國藝術家Korakrit Arunanondchai 嘅個人藝術展覽，帶大家參與一場跨越時空的奇幻之旅！

「聖誕節村」Pop-up市集
日期：2023年12月2日至2024年1月1日 (逢星期五至日、公眾假期及指定平日)

YouTube Pop-up Café
日期：2023年12月1日至31日

Korakrit Arunanondchai 錄像裝置
日期：2023年12月17日至1月14日
地址：尖沙咀梳士巴利道18號 K11 MUSEA 6樓

「Christmas Palace」泊車充電之選—— K11 Muse / Art Mall Shell Recharge！

K11本身就有充電站！小編推薦兩個充電方案：

一） K11 Musea 人文購物藝術館 Shell Recharge 充電站

K11 Musea 人文購物藝術館總共有4個 50-100kW Shell Recharge DC快充 同6個11kW AC中充。如果非常趕時間，強烈推薦50kWh快充60分鐘，跟中港城Shell Recharge一樣，都有8折優惠，折後都係HK$156，同樣都係$3.12 一度電！用金錢買到時間，為您的電動車Power Up，十分扺玩！記得啦，如果急住充電，去之前就好下載咗Shell Recharge App先，到左停車場後，就可以即刻掃描充電樁上嘅二維碼，然後選擇充電價錢同方案。充電期間仲可以實時查看充電狀況，充電完成後就可以係App內終止充電，一秒都唔會浪費！

地址：尖沙咀梳士巴利道18號, B4層

二）K11 Art Mall 購物藝術館 Shell Recharge 充電站

K11 Art Mall 購物藝術館總共有3個 24kW 嘅DC快充同2個 4kW 嘅AC中充。如果想慢慢充電，一路享受Christmas Palace入面嘅Pop-up Café同YouTube Music Nights呢，就可以選擇Art Mall 購物藝術館嘅50kWh AC中充12小時，折後都只係HK$100，即係 $2.5一度電！而且用Shell Recharge充電站嘅好處係，即使充完電都唔洗急急腳走，可以係充電位原地享用剩餘嘅泊車時間，呢一點就啱曬係尖沙咀呢一類比較繁忙嘅地區泊車啦！

地址：尖沙咀河內道18號, B4層

尖東海濱燈飾

尖東海濱一帶向來都係欣賞聖誕燈飾嘅地方！燈飾由多棟大廈組成，由康宏廣場附近開始，到市政局百周年紀念花園、半島中心、富豪九龍酒店，沿途都有大量聖誕燈飾！如果腳力充足，小編會建議行埋尖沙咀海濱花園同星光大道，夜晚可以欣賞維港景色同每日8點嘅「幻彩詠香江」添！行到攰的話，星光大道仲有Starbucks可以坐低休息，嘆返杯咖啡或者花茶，享受既寧靜又熱鬧嘅聖誕氣氛！

「尖東海濱燈飾」泊車充電之選——康宏廣場 Shell Recharge 充電站

如果由市政局百周年紀念花園開始欣賞沿途嘅聖誕燈飾，康宏廣場就係一個好方便嘅出發點啦！康宏廣場 Shell Recharge總共有2個60-120kW 嘅 同2個30-60kW 嘅 DC快充。充電計劃方面，小編同樣推薦40kWh 60分鐘或者50kWh 60分鐘快充，有8折無理由唔享用！

地址：尖沙咀康達徑康宏廣埸三樓