人氣Sticker奶龍 x 樂富廣場「Foodie Adventure」為食之旅！

人氣Sticker奶龍公仔登陸樂富廣場！總長達22米、高6米嘅巨型呆萌奶龍陪大家歡渡聖誕🎄！奶龍首次現身香港就當然唔少得打卡熱點啦，埸內有奶龍經典可愛、招積搞笑、活潑鬼馬等各款公仔Pose，加上Foodie Adventure特色主題嘅甜甜圈、雞蛋仔、馬卡龍等造型，簡直係得意到爆！

奶龍 x 樂富廣場「Foodie Adventure為食之旅」三大活動！

1）奶龍巨型彈跳樂園

樂富廣場B區戶外休憩用地有以奶龍為主題嘅吹氣彈跳樂園，最啱就係一家大細帶小朋友嚟玩！樂園入面有巨型滑梯同甜點障礙賽，仲有奶龍公仔陪住您玩添～

2）奶龍甜點派對

樂富廣場A區美食坊就有多款聖誕主題嘅甜品，包括馬卡龍、雪糕同埋聖誕特色熱飲。冬天享受冰凍雪糕嘅同時，再飲返一杯暖笠笠嘅聖誕熱飲別有一番風味！

3）奶龍公仔機&快閃店

樂富廣場B區中庭同埋1樓1209舖嘅景品捕屋有奶龍限定精品！入面有一系列萌爆奶龍造型，「奶龍的日常系列」盲盒更加係首次係香港公開發售，奶龍迷嘅您又點可以唔帶返一隻返屋企呢～

樂富美食 – 「廿一堂」！

「廿一堂」雖然唔係樂富獨有嘅美食，但係絕對值得一試！位於樂富廣場A區1樓嘅「廿一堂」其實係一間日本快餐廳嚟嘅～入面有招牌燒豚丼、牛舌丼、讚岐烏冬等。雖然叫做快餐，但係味道上佳；夜晚仲有得打邊爐添！價錢方面亦非常親民，下午茶HK$40-$50就有交易，夜晚打邊爐都係HK$100內，係性價比極高嘅選擇！

地點：樂富聯合道198號樂富廣場A區1樓1161-1162號舖

營業時間：星期一至四 08:00 – 21:30；星期五至日及公眾假期 08:00 – 22:00

點去奶龍 x 樂富廣場「Foodie Adventure為食之旅」？

港鐵樂富站A出口

樂富廣場跟港鐵樂富站連接，撘地鐵一般都係最佳選擇！只要係樂富站A出口過一條馬路，步行約1分鐘，就到樂富廣場嘅B區中庭啦～

自駕到樂富廣場

如果好似小編咁揸車去樂富廣場呢，樂富廣場本身就有停車場嘅，時租星期一至五HK$22；星期六日及公眾假期HK$24。日泊星期一至五HK$110。除左樂富廣場之外，泊係附近嘅樂富邨停車場都係一個唔錯嘅選擇，事關係星期六日及公眾假期，樂富廣場停車場就暫時就未見有得日泊，但係樂富邨停車場就有啦！雖然就就貴少少要HK$130，但係如果係樂富廣場附近玩足成日，就當然係比較抵啦！

泊車充電之選！

咁如果揸電動車去樂富廣場玩又有無得充電？答案就梗係有啦！樂富UNY 停車場就有Shell Recharge嘅快速同中速充電站；而附近嘅樂富邨停車場就有Shell Recharge中速充電站，任君選擇！好多人可能都唔係太熟悉Shell Recharge嘅充電站，咁係度就略略介紹一下點用啦。

Shell Recharge 充電站使用方法分享

車主首先可以係手機下載Shell Recharge嘅App，咁完成註冊同埋登陸之後呢，就可以係App內睇到邊啲地方有位充電，之後點選「我的汽車」輸入車牌同電動車型號就可以用App內嘅掃描功能，掃描充電樁上面嘅QR Code，選擇同埋啟動唔同嘅充電方案同計劃啦。入面有齊充電價錢、充電功率、充電時間等，一目了然。充電期間，車主亦都可以喺Shell Recharge嘅App入面實時查看充電狀況，唔洗擔心充電過時！充完電之後，可以係App內終止充電，完成後記得移取連接車上的充電器，同埋將充電線放回原位先好走呀～

依加至12月31日，全線Shell Recharge充電揀選快充40度或50度充電服務，仲即可享八折優惠。另外，中充全日同樣有特惠價，只要港幣$100就可以喺車位安心泊車兼充電12小時（最多50度電）。計落每度電都只喺港幣$2 起，希望為你嘅電動車充滿電之外，同時為你Power Up ！快啲下載Shell Recharge App，隨時查看其他充電站位置以及即時使用情況啦。

樂富UNY生活創庫 Shell Recharge 快速及中速充電站

位於樂富廣場停車場嘅LG層就有8個罕見嘅DC快充位，支援CCS Combo 2連接器！呢度嘅充電站提供最高120 kW嘅充電功率，為您嘅電動車瞬間Power Up！如果唔趕時間嘅話，場內仲有12個AC中充位，提供最高11kW嘅充電功率，一邊充電一邊探索樂富廣場嘅Foodie Adventure為食之旅就Fit曬啦！

樂富邨 Shell Recharge 中速充電站

若果樂富廣場充電站咁啱無曬位，可以選擇去樂富廣場附近嘅樂富邨停車場啦。停車場1樓嘅Shell Recharge中速充電站共有8個AC中充位，提供最高11kW嘅充電功率。雖然充電位就無樂富廣場停車場咁多，不過根據小編嘅經驗呢，樂富邨有充電位嘅機會通常都會比樂富廣場大。如果樂富廣場真係無位就可以碰一碰運氣啦～

Shell Recharge 充電站使用心得

總體嚟講，Shell Recharge充電站俾到一個比較貼心嘅充電體驗。下載Shell Recharge手機App之後，所有充電程序都可以係App內完成，仲可以睇到其他充電站位置同即時使用情況[3] ，非常方便。充電設施亦非常新淨，未見到話有損壞或者充唔到電嘅情況。而且最重要嘅係，係Shell Recharge充電完成之後，可以係充電位原地享用剩餘嘅泊車時間，唔洗充完電就要急急腳走，平日行街睇戲食飯真係一流！

充電計劃方面，小編推薦兩個方案：一，HK$117快充45分鐘。二，HK$50中充4小時。快充適合快閃行街嘅車主，停留落嚟食個飯，順便行下Foodie Adventure為食之旅。中充就適合一家大細行街食飯，時間充足嘅情況下慢慢充電，可以悠閒享受家庭樂或者二人世界！

「Foodie Adventure為食之旅」活動詳情

日期：2023年11月22日 – 2024年1月20日
時間：10:00 – 20:00
地點：樂富廣場B區戶外休憩用地及A區美食坊
地址：香港橫頭磡聯合道198號

「奶龍的日常系列」盲盒詳情

發售日期：2023年12月23日至26日
活動地點：B區中庭