「Kilowatt 充電站APP」八大實用功能推介！

香港電車車主每日都會遇到嘅難題——邊度有充電站！事關電車一大弱點就係續航，而香港本身就有停車場同泊車位不足嘅問題，充電站更加係少之又少。有見及此，我地隆重推出「Kilowatt 充電入油地圖 – 香港駕車資訊平台」一個充電站APP解決晒眾多香港電車車主嘅煩惱！

Kilowatt 充電站 App 八大功能！

1. 揾到最近您嘅充電站

出門無論日常上下班、食飯購物、自駕遊、睇戲玩樂、醫院探親、郊遊攝影、露營宿營、户外野餐、欣賞日出日落，都可以用Kilowatt充電站App用最短嘅時間揾到最近您嘅充電站。仲會顯示充電站詳細資訊及情況，包括充電站服務供應商、充電功率、充電站數量、充電價錢及充電站的準確位置，仲可以睇埋其他車主對充電站嘅評分，避免去到停車場先知中伏！讓使用者無須事先計劃尋找目的地附近充電站，揸車時候無須擔心揾唔到充電站！

2. 充電站一覽無遺

Kilowatt充電站App附有地圖顯示全港充電站分佈位置，讓車主一覽無遺。即時掌握最新充電站位置。充電站分佈圖除左方便車主即時尋找合適的充電站外，仲有其他功用？有唔少車主係揾停車場月租車位嘅時候，都會刻意尋找有免費充電站嘅停車場，方便日常泊車充電。再誇張啲都有，就係有車主係揾工嘅時候，會特別留意公司一帶有無得泊車充電，呢個時候Kilowatt充電站App嘅地圖就可以讓車主一次過睇到該區所有嘅充電站位置啦！

3. 篩選啱您嘅充電站

淨係想揾某一間充電服務供應商可以點做？時間緊湊又有無得淨係揾有快充DC嘅充電站？Kilowatt充電站App可以幫車主篩選你想揾嘅充電站種類，例如可以點選Tesla、中電、港燈及其他充電供應商；又或選擇尋找DC、AC及13A充電。同時，唔少車主都知現時中電同港燈都有免費充電，如果車主只想尋找免費充電，可以同時只篩選有免費充電的服務供應商。所以 Kilowatt 充電站App 唔單止方便，仲可以幫車主慳錢添！

4. 即時交通及路面狀況

揸車最怕就係塞車！目前為止根據警務處2023年按月統計的交通意外數字，平均每月有過千宗交通意外發生，即係每日有近35宗！車主一唔小心無留意最新消息就會好容易陷入無止境嘅車龍當中，浪費車主寶貴嘅時間、錯失約會表白時機、流失商業賺錢機會、減少與親人相處嘅快樂時光。而Kilowatt充電站App協助車主緊貼最新交通資訊及路面狀況，讓車主即時知道交通意外發生時間、地點、具體事故狀況以及道路解封情況，方便車主掌握全港路面狀況，未雨綢繆！

5. 最新泊車優惠

一個好嘅充電站App又點少得幫車主慳錢！商場停車場、爛地停車場、有蓋停車場、屋苑停車場嘅價錢同優惠每年每季每月變完又變，不同類型、不同形式嘅優惠推陳出新，會員制度更加係俾商家玩到出神入化，令一眾車主眼花繚亂甚至投鼠忌器，唔敢再花時間玩優惠！而Kilowatt充電站App嘅小編們就會集合泊車優惠，仔細研究同分析商家嘅優惠細節，幫眾多車主避免陷入中伏危機之餘，仲可以令車主們知道點樣玩好優惠遊戲，慳得一蚊得一蚊！

6. 揸車貼地資訊

揸開車嘅人都知道養一架車會有方方面面嘅問題，由最基本嘅續領行車證、汽車年檢、汽車保險、維修保養、汽車美容；到最新政府政策及建設包括最近嘅易通行計劃、「港車北上」、香園圍停車場預約問題、港珠澳大橋澳門口岸泊車轉乘計劃、將藍公路通車、充電易資助計劃、三隧分流方案等等都與車主息息相關。而Kilowatt充電站App就集合左同車主有關嘅資訊，為一眾車主提供政策計劃嘅教學、攻略、心得、懶人包，幫車主全方面獲得揸車貼地資訊！

7. Kilowatt 會員優惠

Kilowatt充電站App做會員有咩著數？Kilowatt小隊深明車主揸車養車開支都非常大、都唔容易。有見及此，Kilowatt小隊積極向各車輛服務及配件供應商為一眾車主爭取不同類型嘅優惠，例如有推出獨家電動車迎新禮包，中速充電器折扣優惠、Type 2 充電線折扣，HEPA King 優惠等等。

8. 旅遊玩樂推介

Kilowatt 充電站App有全港18區食玩泊車推介，不過揸得車去玩又點會淨係留係香港？Kilowatt 小隊同時搜羅日本、泰國、台灣、中國內地、澳門等地的旅遊玩樂資訊及推介，包括租車價錢及程序、異地取車手續、旅遊汽車保險、國際車牌申請程序、揸車注意事項、當地特殊法例、著名旅遊景點、購物推薦等等，幫車主省卻資料搜集嘅時間，令香港嘅車主即使去到外地自駕遊都可以玩得安心又放心。仲唔快啲下載榮獲 Google Play 2022 最佳生活幫手榮譽獎嘅「Kilowatt 充電入油地圖 – 香港駕車資訊平台」流動應用程式！

其他實用電動車充電APP

其他實用電車App可以分為2類：

官方電動車 App
充電服務供應商 App

1. 官方電車APP

如果係Tesla、Mercedes、BMW車主基本都唔洗諗一定要下載官方流動應用程式APP。事關用APP就可以睇到自己架車嘅實時狀況及位置、作為車匙鎖上及解鎖車輛、查看續航里程、充電記錄及數據、控制車輛室內温度、預約及安排維修服務等等。

2. 充電服務供應商APP

香港有多間充電供應商，包括蜆殼Shell Recharge、中電CLP、港燈 HK Electric、易充站E-Charge、基石科技Cornerstone等等，呢啲供應商有提供暫時免費嘅電車充電服務，亦有付費充電服務。而供應商有就充電服務推出佢地自家製嘅充電站APP：

基石科技 Cornerstone

基石科技Cornerstone充電站APP使用充電站地圖、查看附近充電站、充電價錢、充電器嘅數目以及使用狀態就唔需要註冊同登入，不過到實際使用嘅時候就要啦。如果未考慮用唔用基石科技Cornerstone充電站嘅車主可以先去佢地嘅充電站APP查看服務計劃。

森那美 Sime Darby SD Charging

森那美SD Charging充電站APP有充電站地圖及詳細地址、充電器嘅數目以及使用狀態、充電價錢，同樣查看APP本身就唔需要註冊同登入，考慮使用森那美SD Charging嘅朋友可以先睇睇充電站嘅分佈，事關大部份充電站都位於港島區。

易充站E-Charge

易充站E-Charge充電站APP係香港算係非常受歡迎，因為有充電站數量多至約500個，而且部分充電站完全供車主免費使用。APP內設計亦十分完善，有充電站地圖及詳細地址、導航駕駛連接、充電價錢、充電速度、充電器嘅數目以及使用狀態。

Shell Recharge

Shell Recharge充電站APP設計比較簡單。成功註冊及登入APP後有「我的汽車」功能、有顯示旗下充電站地圖及詳細地址、充電器嘅數目以及使用狀態，以及有預約充電器嘅功能，不過就無提及實際充電速度及充電收費。

Halo Energy

Halo Energy充電站APP設計幾乎跟Shell Recharge一樣，都係要註冊及登入APP後先可以使用APP嘅服務。而且同樣有充電站地圖及詳細地址、充電器嘅數目以及使用狀態、預約充電器功能，同樣無提及實際充電速度及充電收費。