西貢停車場,泊車充電站

探索西貢的停車場、泊車充電站、泊車優惠、玩樂好去處

西貢,聽個名就喺西邊,其實係喺東北面。西貢被稱為香港嘅後花園,絕對冇誇大。呢度有優美嘅海灘,亦有獨特嘅水上魚市場、 特色中西小食,仲有歷史古廟。眼入面盡係山山水水,最難得係冇高樓大廈,令人能夠遠離煩囂,係一個真正嘅渡假天堂,難怪本地人鍾意,亦深受遊客歡迎!

西貢泊車之選






西貢停車場泊車優惠
















西貢充電站之選






西貢景點

吉光片羽

聽個名係咪以為日文?呢間的確係一間日系雜店貨,但店名由來其實係成語「吉光片羽」。吉光係一種傳說中嘅神獸,吉光身上嘅一片毛,就好比殘餘僅見嘅文章或藝術珍品。顧名思義,舖頭賣嘅雜貨都係為數不多嘅精品同衣服。店主曾經表示,呢度嘅貨品「一件起,兩件止」。正所謂物以罕為貴,如果搵到一件自己鍾意嘅小物,又唔使同人撞,真係會有種「小確幸」嘅感覺,正如店家推廣嘅信念──待己寬容由穿衣開始!


地址:西貢市場街40號

BeCandle

西貢橫街有間隱世小店,專賣手工蠟燭產品,憑藉高質出品打響名堂。對好多人嚟講,西貢係放假郊遊嘅地方,但對店主Xavier嚟講,西貢就係佢成長嘅地方,自細就夢想喺度開舖頭。Xavier喺2012年成立手工蠟燭及香薰品牌BeCandle,2017年終於圓夢選址西貢開設實體店。蠟燭全由人手製造,提供二十多種精心調配嘅香味選擇,以及一系列與不同品牌攜手合作嘅香薰蠟燭。同時小店會喺星期五、六、日、一舉辦蠟燭工作坊,等更多香港人認識呢門小手藝。


地址:西貢萬年街102號

獅子會自然教育中心

一家大細,想趁放假出外逛逛,又想小朋友學到新知識,一於去獅子會自然教育中心啦!獅子會自然教育中心有昆蟲館、魚館、貝殻館同農館,可以畀小朋友參觀同學習各種有趣知識。呢度仲有地質公園遊客中心同岩石學園,可以睇睇歷史奇觀。除咗館內展區,戶外仲有蝴蝶谷、蜻蜓池、荔枝園、柑桔園、濕地樂園等,啱晒學習階段嘅小朋友。


地址:西貢蕉坑

西貢食好西

嘰哩咕嚕

西貢可以話係臥虎藏龍嘅地方,好多值得欣賞發掘嘅小店。例如呢間主打小食嘅嘰哩咕嚕 ,身處巷仔之中,依然可以發圍。推薦大家必試佢地皇牌麻醬手撕雞冷麵,麵條條分明,雞絲更加係由店主親手逐條逐條撕,食落口每啖都係心機,價錢仲要超親民!仲有順應民意推出嘅Hangry酸辣粉,同樣值得一試 !


地址:西貢敬民街9號地下24號舖

天天好海鮮酒家

一場嚟到西貢點可以唔食海鮮?不過想食海鮮,係咪註定要幫襯發晒黑嘅舖頭?其實我哋仲有得揀嘅!呢間被稱為良心店嘅海鮮酒家位處小街,除咗過往有表態,價錢亦合理唔劏人。唔少西貢街坊如果想食海鮮,又唔想同遊客迫,都會嚟呢度幫襯,甚至自己去岸邊或街市買完海鮮再搵店家加工又得。呢度除咗海鮮價錢公道,鹽水雞腳鴨腎都做得唔錯,值得一試!


地址:西貢市場街41號地下

Chip In Fish & Chips

Fish & Chips,係英國招牌菜,不過曾經歷英國殖民嘅香港,反而又好似唔多流行?Anyway,想食高質嘅Chips,西貢就有一間Chip In!呢間小店嘅炸魚外皮超香口,魚肉結實唔覺韌;薯條金黃靚仔,咬落又重薯味,仲有炸魷魚圈、炸Oreo等招牌小食,都係超受歡迎。順帶一條,店主係社福界出身,致力提供就業機會畀智障、自閉人士,可以話愛心同味道兼備!


地址: 西貢敬民街9號高勝樓地下11號舖

往下繼續閱讀

廣告