旺角停車場,泊車充電站

探索旺角的停車場、泊車充電站、泊車優惠、玩樂好去處

旺角,香港人絕對唔會陌生,甚至世界知名。位於九龍鬧市中心,有講法舊稱「芒角」或「望角」──聽個名都知旺,由朝旺到晚,甚至一度令人懷疑,呢度可能係全世界最多人嘅地方。人多,當然亦都多嘢睇,既係潮人潮地MK文化聖地,又有排檔老店舊香港風情,構成獨特嘅城市景觀。

旺角泊車之選






旺角停車場泊車優惠
















旺角充電站之選






旺角景點

信和中心

信和中心可以話係潮流文化嘅發源地,以前主要賣唱片,係追星族必到之處 ── 可能有返咁上下嘅朋友,對信和仍然停留咁嘅印象。不過近年信和已經變得多元化,除咗唱片,仲會賣動畫、漫畫、小說、雜誌、手錶,亦有唔少格仔舖,大人小朋友都啱行。


推介大家嚟呢到行一行,買返啲擺設佈置吓愛車。如果鍾意儲模型車仔嘅朋友,仲可以行埋去隔籬嘅現時點,包你搵到寶!

MOKO 動樂園

好多家長等到頸都長,新世紀廣場遊樂場去年底終於重開,以全新面貌同大家見面。MOKO動樂園佔地近18,000尺,當中最吸引當然係近50米、全港最長嘅攀爬牆,仲有8米高大型遊樂設施。


除此之外,仲有由山丘同山洞組成嘅探索隧道,以及6組唔同高度嘅滑梯,最高一組有成3.8米高。位處旺角地標之一嘅MOKO,樂園設計意念取材自當區著名嘅雀仔街及花墟,充滿地區特色,啱晒小朋友放電之餘,仲好有教育意義!

Urban Cafe

貓貓Cafe有好多間,不過唔係間間都值得支持。芸芸貓Cafe當中,Urban Cafe算係口碑幾好,呢度嘅貓貓全部肥嘟嘟又活潑,仲好黐人。


值得一讚嘅係,Cafe係有休息室畀貓貓,而且每隻都有剪指甲,睇得出係有悉心打理。如果閣下係貓奴,想搵機會親近下主子,去呢度一定唔會後悔。

旺角食好西

圓仔記

去旺角當然唔少得掃街、食糖水,手作芋圓店「圓仔記」雖然無其他良心食店咁高調,不過出品就絕對值得支持。小店主打手作三色芋圓,仲有特別口味例如抹茶圓、焙茶、芝麻、咖啡、朱古力。甜品就可以配包心芋圓、珍珠、仙草、豆腐花等等。除咗甜食,呢度手抓餅都係必試㗎。食完唔夠喉,仲可以買生芋圓返屋企煮𠻹。

龍華軒

近年Cafe好似雨後春筍,開到成行成市。其實早喺呢啲精品Cafe出現之前,旺角已經有唔少元祖級Cafe,係後生仔嘅聚腳地,其中一間就係龍華軒。龍華軒隱藏喺旺角商廈當中,喺2013年已經創業,客人喺度飲杯啡、食個Pasta,可能已經坐足全日。


不過,老闆就唔介意,仲曾經喺訪問中講過,最緊要客人舒服。呢幾年,堂食不間斷被禁,對晚餐生意有頗大影響,如果想喺鬧市當中,依然可以保存一個「舒服」嘅地方,記得去支持一下。啊,介紹埋嘢食先 ── 雞翼放題,冇得彈;爆谷蝦夠晒威,爆谷蝦的確好抵;卡邦尼腸粉,對皇帝脷確有功效。