尖沙咀停車場,泊車充電站

探索尖沙咀的停車場、泊車充電站、泊車優惠、玩樂好去處

尖沙嘴,唔知點解搞搞吓愈來愈多人叫佢尖沙咀,簡稱又叫「尖嘴」。尖沙嘴向來都係夜生活嘅集中地, 諾士佛台、棉登徑、寶勒巷、山林道、金巴利街、亞士厘道……酒吧餐廳數之不盡,又有唔少特色建築物,深受旅客歡迎。呢度亦雲集唔少博物館,近年仲多咗好多文化藝術景點!

尖沙咀泊車之選






尖沙咀停車場泊車優惠
















尖沙咀充電站之選






尖沙咀景點

Kids Kids Car

小朋友專屬電動車放電!早前告別Mega Box時,大小朋友都相當不捨……不過好在舊年底Kids Kids Car已經換過新形象,登陸中港城!新嘅場地佔地面積超過20,000平方呎。除咗有招牌「賽車區」,畀小朋友化成超級賽車手;場地仲有「動態區」,可以玩充氣彈牀、AR遊戲、踢波、打籃球等等;亦有「靜態區」,畀小朋友喺超市、廚房、郵局、消防車、公主化妝枱等區域玩吓影吓相,仲提供消防員或公主等造型服裝。


地址:尖沙嘴廣東道 33 號中港城UG 29-30 號舖

LEGOLAND Discovery Center Hong Kong

喺東京、柏林、芝加哥等全球各地擁有多個分部,LEGOLAND去年正式登陸香港,佔地面積達30,000平方呎,當中有10個唔同嘅LEGO®主題園區,其中LEGO®賽車場有各種車體零件,可以畀小朋友們郁手做出屬於自己獨一無二嘅賽車。整完之後,仲可以畀它喺測速道上馳騁,比拼一吓邊個架車最快!

尖沙咀食好西

Hokahoka

Hokahoka個名日文係「溫暖」咁解,真係相當遇適合形容呢間居酒屋。Hokahoka由內到外都好日本,嚟食嘢就好似去咗轉旅行咁,未搶到機票就嚟止止癮先啦!。價位中上,不過質素勁高,服務勁好。如果想食平少少,叫個定食百幾蚊亦可埋單。如果想一班人舒舒服服傾傾偈,嚟呢度一定冇錯。有時夜晚,店長仲會出來唱吓live炒熱個場!推介一定要試試香港較少見嘅芝士酒盜,炸物同串燒亦係水準之作。


地址:尖沙嘴麼地道63號好時中心51-52號舖

Cabin Crew Coffee

屬於本地Cafe品牌Holly Brown嘅副線,裝潢以飛行為主題,打卡一流。餐廳門外已經見到有Boarding Gate,左邊係候機室位置,牆上掛滿各地時鐘,同埋航班資料;牆身模仿艙窗邊位設計,打開遮光板仲可以見到雲海 !如果大家記性好,早兩年國泰一口氣向超過5,000個香港員工派大信封。當時Cabin Crew Cafe即使喺疫情夾擊下,仍大量聘請國泰員工!食物方面,主打西式美食,例如有惹味嘅Ribs,仲有慢煮乳豬配薯角,皮脆肉香,最平百零蚊己有交易,快啲約埋朋友嚟「一齊飛」啦!


地址:尖沙嘴彌敦道132號美麗華廣場一期2樓228號舖

HERE is a PUB

屬於比較少人講起嘅良心小店,嘢好食,酒抵飲!其中一個老闆曾經講過,因為尖沙咀四圍都有唔少類似酒吧,要突出重圍一啲都唔易,所以酒吧索性Here Is A Pub,簡單、直接、易記。呢度除咗平時星期一至六下午5時至9時,星期日更加全日都係Happy Hour。除咗一般常見酒精飲品,亦有提供平日較少見嘅芝加哥手工啤Goose IPA。另外,有不少精緻雞尾酒(Cocktail)!食物方面,招牌菜有香煎油封鴨肶、炸魚薯條、大蝦星洲意粉、味噌牛油粟米同雞肝醬多士等等。


地址:於尖沙嘴赫德道12-14號地下A號舖。

廣告

往下繼續閱讀